Откровение на дербито: Младиот Томовски воодушеви со своите одбрани во "Јане Сандански"

Металург се покажа во навистина добро светло и покрај тоа што загуби со 26:22 на вчерашното големо дерби со Вардар кое се одигра во "Јане Сандански", но дефинитивно откровение на натпреварот беше младиот Мартин Томовски кој на неверојатен начин го замени Дупјачанец.

Талентираниот голман на „металурзите“ доби уникатна шанса во второто полувреме, кое на крајот го заврши со фантастични 8 одбрани, од кои неколку беа навистина атрактивни и изнудија одушевување на трибините во салата во Аеродром.