Титулата на Раниери и дружината донесе и појава на чудни производи во Лестер

Градот Лестер во изминативе неколку дена живее за најголемото достигнување во историјата кое го остварија Клаудио Раниери и неговите играчи, успех кој едноставно никој не можеше да го замисли и се сметаше за невозможна мисија пред стартот на сезоната.

На две кола пред крајот, Лестер и математички ја осигура првата и сензационална титула во англиската Премиер лига, а покрај големата еуфорија, во градот во кој популарна е сината боја почнаа да се произведуваат и чудни производи кои одат како „алва“ во маркетите.

Сината боја во овој момент се користи во Лестер за производство на било какви производи, но дефинитивно најголемо внимание привлекоа сините колбаси во маркетите со кои се очекува да почне саботното заливање и големата прослава на титулата на средбата со Евертон.